Kvíðaröskun er nokkuð frábrugðin venjulegum kvíða, en þessi fyrirbæri hafa þó sama uppruna. Kvíðaröskun er mun alvarlegri en kvíði og einkennist af mun ýktari viðbrögðum og hræðslu sem erfitt getur reynst að vinna bug á. Um er að ræða kvíðaröskun þegar kvíðinn er farinn að endurtaka sig ítrekað í hættulausum aðstæðum. Samkvæmt samantekt á KMS.is má líkja kvíðaköstunum við  ofurnæma  þjófavörn í bíl sem fer í gang við minstu áreitni“. Hræðsla einstaklinga með kvíðaröskun getur beinst að nánast hverju sem er, eins og til dæmis flugi (flughræðlsa), lokuðum rýmum (innilokunarkennd), háum hæðum (loftræðsla), tannlæknum og því að kasta upp, Hræðslan magnast mikið á stuttum tíma og getur orðið nánast stjórnlaus ef ekkert er að gert. Börn með kvíðaröskun leitast eftir hrósi og huggun hjá aðilum i kringum sig. Kvíðaröskun getur haft mikil áhrif á lífsgæði einstaklings og leiðir í mörgum tilvikum til alvarlegs þunglyndis. Fólk með kvíðaröskun fer mjög auðveldlega í vörn og því skal varast að gera lítið úr kvíða og þunglyndi.